हाइड्रो सोलुसनले प्रवद्र्धन गर्न लागेको आँखु हाइड्रो पावरमा सनराइज बैंकको नेतृत्वमा विभिन्न सात वटा बैंक तथा वित्तीय संस्थाले लगानी गर्ने भएका छन् । लगानीसम्बन्धी द्विपक्षीय सम्झौतामा सोलुसनका प्रमुख ज्ञानेन्द्रलाल प्रधान र बैंकका प्रतिनिधिले संयुक्त रुपमा हस्ताक्षर गरे। सो आयोजनामा सनराइज बैंकको नेतृत्वमा जलविद्युत् लगानी तथा विकास कम्पनी लिमिटेड, बैंक अफ काठमाडौँ, सेन्चुरी कमर्सियल बैंक, ज्योति विकास बैंक, लक्ष्मी बैंक, एनसिसी र प्रभू बैंकले संयुक्त रुपमा लगानी गर्ने भएका छन् । धादिङ जिल्लाको आँखु नदीमा निर्माण हुन लागेको ४३ मेगावाट क्षमताको सो आयोजनाको कुल लागत रु छ अर्ब ३० करोड रहेको छ । बैंक तथा वित्तीय संस्थाले सो आयोजनामा रु चार अर्ब ७२ करोड लगानी गर्नेछन् । रु एक अर्ब २४ करोड प्रवद्र्धक हाइड्रो सोलुसनले लगानी गर्नेछ । स्थानीयबासीका लागि रु १६ करोड र रु २४ करोड बराबरको साधारण शेयर जारी हुनेछ । आयोजनाबाट उत्पादित विद्युत् ३० किलोमिटर लामो प्रसारण लाइनमार्फत नुवाकोटको त्रिशुली थ्री ए वा त्रिशुली थ्री बीका लागि निर्माण गरिने सवस्टेशनमा जोडिनेछ । प्रसारण लाइन निर्माणसमेत आफै गर्ने तयारीका साथ आयोजना निर्माणमा जुटेको उनको भनाइ छ । नेपाल उद्योग वाणिज्य महासंघका ऊर्जा समितिका सभापतिसमेत रहनु भएका प्रधानले आगामी तीन वर्षमा निर्माण सम्पन्न गर्ने लक्ष्य राखिएको बताए ।

युनिक हाइडेलले २२ करोड रुपैयाँको सेयर जारी गर्ने ६ असार, काठमाडौं । युनिक हाइडेल कम्पनी लिमिटेडले पहिलो चरणमा प्रभावित क्षेत्रका बासिन्दाको लागि ५ करोड ५० लाख रुपैयाँ बराबरको सेयर जारी गर्ने भएको छ । कम्पनी यसको लागि अनुमती माग्दै धितोपत्र बोर्ड पुगेको छ । कम्पनीको सेयर बिक्री प्रबन्धकमा एनएमबी क्यापिटल रहेको छ । दोस्रो चरणमा कम्पनीले सर्वसाधारण, सामूहिक लगानी कोष र कर्मचारीको लागि करिब १६ करोड ५० लाख रुपैयाँ बराबरको सेयर जारी गर्नेछ । कम्पनीको हाल ४.२ मेगावाटको बराम्ची खोला जलविद्युत् आयोजना सञ्चालनमा रहेको छ । सिन्धुपाल्चोकमा रहेको यो आयोजनाको यसअघिको उत्पादन क्षमता १ मेगावाट रहेको थियो । बिसं २०६७ मा यो आयोजनाको स्तरोन्नती गरिएको हो । २०७२ मा गएको भूकम्पले आयोजना प्रभावित भएको थियो भने त्यसपछिको पहिरोले पनि केही समय आयोजना बन्द हुन पुगेको थियो । गत बैशाख १७ गतेबाट भने आयोजनाले नियमित विद्युत् उत्पादन गरिरहेको छ । ज्ञानेन्द्रलाल प्रधानको लगानी रहेको हाइड्रो सोलुसन्स प्रालीको कम्पनीमा सेयर स्वामित्व रहेको छ । २०७४ असार ६ गते १७:०५ मा प्रकाशित

प्रधान निजी क्षेत्रबाट जलविद्युत उत्पादन गर्न पहल थाल्ने पायोनियर व्यक्ति हुनुहुन्छ । त्यही क्षेत्रमा दशकौंदेखिको सक्रियताका आधारमा उनी २६ देशका उद्यमीलाई पछि पार्दै सन् २०१४ को ‘एसिया अनेस्टी आन्ट्रप्रेनर अवार्ड’ बाट विभूषित हुनुहुन्छ । प्रधान निजी क्षेत्रबाट जलविद्युत उत्पादन गर्न पहल थाल्ने पायोनियर व्यक्ति हुनुहुन्छ । त्यही क्षेत्रमा दशकौंदेखिको सक्रियताका आधारमा उनी २६ देशका उद्यमीलाई पछि पार्दै सन् २०१४ को ‘एसिया अनेस्टी आन्ट्रप्रेनर अवार्ड’ बाट विभूषित हुनुहुन्छ ।